Hangang-hanga raw si JC sa Drama King. Kahit kumportable na si JC Tiuseco sa drama roles, inamin ng kauna-unahang Pinoy Sole Survivor na kinabahan siya sa mga eksena nila ng Drama King na si Christopher de Leon sa ChristmaSerye ng GMA-7 na Sana Ngayong Pasko.
Bukod kay Boyet, kinabahan din si JC sa mga eksena nila ng Queen of Philippine Movies na si Ms. Susan Roces. Isa sa dialogue ni JC, sa sobrang pagmamahal niya sa character ni Maxene ay gagawin daw niya ang lahat kahit na ibenta pa niya ang kanyang katawan. Gumaganap si JC bilang Bernie, ang boyfriend ni Maxene na nakabuntis dito.